Marami sa atin ang nagsasabi na hindi magiging maganda ang isang pelikula kung wala ang ating mga antagonist o tinatawag na kontrabida. Hindi din kompleto ang isang bida at magiging ma-aksyon ang buhay nito kung wala ang mga kontrabida na siyang laging humahadlang sa kaniyang plano. Isa din ang mga kontrabida sa nagbibigay excitement sa bawat pelikula o palabas.
Dito naman nakilala ang dating actor na si Ruel Vernal na naging sikat at matunog ang pangalan dahil sa husay nito pagganap sa mga kontrabida roles noong 1970s hanggang 1990s. Hindi maitatanggi ang galing ni Ruel sa pag-arte, lalo na sa tuwing ang kaniyang role ay maging kontrabida sa isang pelikula.
Dahil sa husay ni Ruel sa pag-arte, siya din ay nagdudulot ng takot sa mga leading ladies at mga leading men. Sino nga ba naman ang hindi matatakot sa laki ng kaniyang pangangatawan at lalim ng kaniyang boses na tila ikaw ay palaging nasa bingit ng panganib?
Dahil dito, halos tatlong dekada din ng buhay ni Ruel ang ginugol niya sa mundo ng showbiz. Sa loob ng tatlong dekada sa showbiz, naging kaakibat na din ng pangalan ni Ruel ang pagganap sa mga action movies.
Si Ruel ay gumanap na din sa ilang mga pelikula na talaga namang naging hit noong kaniyang panahon katulad na lamang ng Kapag Buhay ang Inutang, Bad Boy, Enteng and the Shaulin Kid at marami pang iba. Bukod dito, nakatrabaho din ni Ruel ang ilan sa mga beterano at kilalang personalidad noon katulad na lamang nila Ramon Revilla, Lito Lapid, at The King Fernando Poe.
Hindi maitatanggi ang naging kontribusyon ni Ruel pagdating sa mga action Filipino movie. Dahil sa kaniyang galing sa pag-arte, nakakamit din si Ruel ng Best Supporting Actor para sa pelikula nitong Insiang na ginawad naman sa kaniya ng Metro Manila Film Festival noong 1976.
Nakatanggap din si Ruel ng Best Supporting Actor sa naturang pelikula na ginawa naman sa kaniya ng Gawad Urian. Bukod sa pag-arte ni Ruel, siya din ay naging isang modelo ng kilalang alak magpahanggang ngayon na 'Redhorse' mula 1982 hanggang 1983.
Samantala, huling pelikula naman na ginawa ni Ruel ay ang 'Dayo' noong 2003.
Matapos naman ang huling pelikula na ginawa ni Ruel ay pinili na din muna nitong umalis sa mundo ng showbiz. Tiyak marami na din sa atin ang nagtatanong kung kamusta na nga ba si Ruel matapos ang ilang taon nang tuluyan na nitong lisanin ang mundo ng showbiz.
Ayon sa ilang sources sa iba't ibang social media platforms, kasalukuyan ngayong naninirahan si Ruel bilang private citizen sa Washington D.C. kasama ang kaniyang mga mahal sa buhay.
Sa video clip nga na ibinahagi ng kaniyang anak na si Kevin Vernal, makikita na sa kabila ng edad ng dating actor ay naggy-gym pa din ito magpa hanggang ngayon.
Sa edad na 73, hindi maitatanggi na hanggang ngayon ay bitbit bitbit pa din nito ang marka ng pagiging isang action star sa kaniya.
Source: Youtube
