Kamakailan lamang, naging viral sa social media si Nanay Evelina 'Belina' Torres mula sa Brgy. San Isidro, Cainta, Rizal dahil sa kabutihan na ipinakita nito mula sa kaniyang mga ka-barangay na nangangailangan ng tulong, lalo na sa krisis na kinakaharap ng ating bansa ngayon.
Ayon sa apo ni Nanay Belina na si Marites Edrosa, mas minabuti na lamang daw ng kaniyang Lola na ipamahagi sa kanilang mga kapitbahay ang mga natira pang mga grocery supplies sa kanilang sari-sari store dahil naaawa rin daw ito sa ilang mga kapitbahay na hindi makapagtrabaho bunsod nga ng lockdown para makaiwas sa paglaganap ng C0VID-19.
Ani Marites sa kaniyang Facebook post,
"Nagsara na ng tindahan si Nanay Belina, walang natatanggap na relief goods ang street namin, kaya sya na lang daw ang magkakawang gawa. Kaya yung mga tinda nya pinamimigay na lang nya sa mga mas nangangailangan."
Saad pa ni Marites, likas na daw kay Nanay Belina ang pagiging matulungin kaya naman kahit sa simpleng paraan lamang daw ay tumutulong ito sa kapwa na nangangailangan.
Sa ilang larawan na ibinahagi ni Marites sa kaniyang Facebook account, makikita na abala si Nanay Belina sa pagsusupot ng mga tinapay at ilang sachet ng kape saka niya ito iniaabot sa mga kapitbahay.
Ayon kay Marites, simula pa lamang daw na magsimula ang community quarantine sa buong Luzon ay wala naman daw kahit anong relief goods ang natatanggap ng kanilang barangay kaya naman nakaramdam din ng awa si Nanay Belina para sa mga kapitbahay na hindi makapagtrabaho o hanapbuhay ngayon dahil nga sa lockdown.
Aniya,
"Sabi ni Nanay, 'Marami naman tayong stock, eh 'di itulong na lang'."
Kwento ni Marites, iniutos din daw sa kanila ni Nanay Belina na lagain ang itlog na natira sa kaniyang tindahan at ito ay ibigay ng libre sa kanilang mga kapitabahy.
Saad ni Marites,
"Sana maka-inspire ito sa iba na kung makaluluwag ka naman, tulungan mo na rin ang iba."
Source: HAP
