Mag-asawa na chichirya lamang ang inuulam, nakatanggap ng tulong mula sa mga netizens

Naging viral sa social media kamakailan lamang ang matandang mag-asawa na ito mula sa Binangonan, Rizal dahil ang tanging inuulam na lamang nila ay ang chichiryang bangus simula nang ipatupad ang enhanced community quarantine sa buong Luzon.

Sa post ng netizen na si Shang Marquez, ibinahagi niya ang hirap na pinagdadaanan ng mag-asawa kung saan halos araw-araw ay bumibili si Tatay Ricardo sa tindahan ng kaniyang biyanan ng dalawang piraso ng chichiryang bangus na nagkakahalaga naman ng isang piso ang bawat isa.

Dahil dito, napagpasyahan ng kaniyang pamilya na bigyan ng kaunting tulong si Tatay Ricardo at kaunting food supplies katulad ng kape, delata, asukal, bigas, at tinapay. Alam nila na hindi pa sapat para kila Tatay Ricardo ang kanilang ibinahaging food supplies para dito, ngunit ang ibinigay nila mula dito ay malaki ng tulong at tatagal na din ng ilang araw para sa pamilya Tatay Ricardo.

Photo from Shang Marquez

Ani Shang,

"Pag hawak ni tatay don sa binibigay namin halos nanginig siya at nanghina sa sobrang tuwa."

Photo from Shang Marquez

Kwento pa ni Shang, hindi din nakakuha ng relief goods si Tatay Ricardo mula sa kanilang barangay dahil halos lahat ng tao ay nagsisiksikan at nag-aagawan na para lamang makakuha ng relief goods. Hindi naman na kaya ni Tatay Ricardo na makipagsiksikan pa para lamang makakuha ng relief dahil mahina na din ang katawan nito. Kaya naman kahit walang wala na si Tatay Ricardo, mas pinili na lamang nitong huwag ng makigulo pa at umuwi na lamang sa kanilang tirahan.

Pagbabahagi ni Shang,

"Eh matanda na si tatay tas hirap na din mag lakad mabagal na! Hindi na siya nakigulo don kahit walang wala na siya."

Photo from Shang Marquez

Humingi din ng tulong si Shang sa mga netizens na sana ay makapagbigay pa ang mga ito ng tulong mula kila Tatay Ricardo dahil hirap din ang buhay ng mga ito ngayon. Hiling laman ni Shang na sana ay makarating din sa local na pamahalaan ng Binangonan at ilang pang mga kinauukulan upang mabigyan ng tulong sila Tatay Ricardo.

Photo from Shang Marquez

Samantala, ilan naman sa mga netizens ang kaagad nagbigay ng tulong para kay Tatay Ricardo na tanging hanapbuhay lamang ay nangongolekta ng mga basura upang ibenta ngunit dahil nga sa quarantine ay pansamantala muna siyang hindi makapagtrabaho.

Noong sumunod na araw, binisita naman ni Shang si Tatay Ricardo upang kamustahin ito at itanong na din dito ang kanilang mga pangangailangan at ang kalagayan nila sa ngayon.

Sinabi ni Tatay Ricardo na talagang kapos at wala silang pera ngayon pambili ng kanilang pagkain. Kaya naman tanging bangus na chichirya na lamang ang kanilang inuulam dahil iyon lamang ang kayang mabili ng kanilang pera.

Photo from Shang Marquez

Matapos nito, nakatanggap naman si Shang ng isda mula sa ilang netizen para ibigay kay Tatay Ricardo at sa asawa nito.

Photo from Shang Marquez

Ani Shang,

"Totoong bangus na ang maluluto mo."

Sinamahan din ni Shang ang mag-asawa sa isang grocery store upang tulungan ang mga ito na bumili ng kanilang pagkain at ilang pang mga pangangailangan sa kanilang bahay. Bumili din sila ng water dispenser, gasul, thermos, stove, ilang mga kawali, at iba pang mga gamit sa kusina.

Saad ni Shang

"Maraming marami pong salamat sa inyong mga nagbigay at tumulong."

Dagdag niya,

"God bless po sa inyo. Sobra sobra po ang tuwa nila tatay at nanay."

Source: GMA