"Friends, followers, family, loved ones. I need your HELP. Please GO Fund Me."
Iyan ang desperadong panawagan ng comedian actor, director at writer na si Joey Paras.
Nasa malubhang kondisyon ngayon ang komedyanteng si Direk Joey dahil sa sakit sa puso at kinakailangang maipasailalim sa angioplasty na isang uri ng heart surgery.
Nangangailangan naman siya ng Php 750,000 pesos para maisagawa ang operasyon. Postponed naman ang operasyon no Direk Joey dahil na rin sa kakulangan sa pondo. Sumailalim na rin sa dalawa pang operasyon si Direk Joey Paras dahil din sa sakit sa puso.
Sa kasalukuyan, pinapahiraan naman siya ng Edema at heart failure kaya naman kailangan niyang maoperahan muli. Naka-admit naman siya sa St. Lukes Medical Center ngayon.
Sa isa pang post, desperado na ring ibinebenta ni Direk Joey ang kaniyang bahay sa Imus, Cavite. Ito ay isang 3-storey house na may floor area na 80 square meters at Lot area na 120 square meters. Mayroon din itong 3 comfort room, garahe, bakuran at dirty kitchen.
Bagaman nasa masamang kalagayan, nagawa namang magbiro habang lubos na ipinagpasalamat ni Direk Joey Paras ang resulta ng kaniyang C0VID test. "I tested negative for C0VID. Para 'kong nanalo ng award," aniya sa kaniyang socmed post.
Makikita naman sa mga larawan ang laki ng ipinagbago ng itsura ni Direk Joey. Ang kaniyang masiglang pangangatawan at kulay ng balat, magandang buhok ay napalitan ngayon ng biglang bagsak na katawan, may kaitimang kulay ng balat at numinipis na buhok.
Kabilang si Direk Joey sa sunday noontime show na Sunday Pinasaya ng Kapuso Network. Naging lead star din siya sa comedy film na 'Bekikang' at 'Babagwa' noong taong 2013.
Pinarangalan naman bilang Best Supporting Actor si Direk Joey para sa kaniyang pagganap sa 'Babagwa'. Nakatanggap din siya ng award bilang Best Performance as an Actor in a Supporting Role para sa musical show na 'Dance of the Steel Bars'.
Hanggang ngayon, patuloy pa rin ang panawagan ni Direk Joey at ng kaniyang mga kaibigan at kapamilya para makalikom ng salaping kakailanganin para sa kaniyng operasyon.
Maaari namang magbigay ng donasyon para kay Direk Joey sa kanilang BDO at BPI account na naka-post sa social media at sa internet.
