Sa kabila ng krisis at mga pagsubok na kinakaharap natin ngayon, nakakatuwa lamang makakita ng mga larawan ng mga tao na nagpapakita ng kabutihan at katapatan sa kapwa nila nangangailangan.
Katulad na lamang ng isang pulis na nag-viral sa social media kamakailan lamang dahil sa kabutihan na ipinakita nito sa kaniyang kapwa.
Sa larawan na ibinahagi ng netizen, makkita na nilapitan ng isang pulis na nakilala bilang si Bason Delos Reyes ang mag-ina na nakaupo at nagtitinda ng candy sa labas ng convenience store sa Marikina City. Makikita din na binigyan ng pagkain at inumin ng pulis ang mag-ina dahil tila hindi pa ata kumakain ang mga ito.
Hiniling ni Janet Samsom-Morta na nakakita at kumuha ng larawan sa pangyayari na sana lahat ng pulis ay katulad ni Delos Reyes na mabait at mapagbigay sa kapwa na nangailangan. Sinabi din ni Janet na sana ay ipagpatuloy lamang ng pulis ang maganda niyang ginagawa sa kapwa.
Ani Janet,
"Sana lahat ng pulis ganito. Good job sir Bason De Lo. Godbless sir! Ikaw ang tunay na lodi. 👍👍 Ipagpatuloy mo lang po 'yung magandang ginagawa mo."
Samantala, marami namang netizens ang humanga at pinuri ang pulis dahil sa kabutihan na ginawa nito sa mag-ina. Hiling din nila na sana ay tularan si Delos Reyes ng iba pang pulis.
Narito ang ilan sa kanilang komento:
"May maitulong ka lang sa kapwa mo malaking bagay na yun di mahalaga ang pera ngayon mahalaga ang buhay ng kapwa tao mo.. maraming salamt po sainyo"
"Mas marami nman tlagang mababait at mabubuting pulis,my mga barkada,tropa taung mga PNP officers n Wala ka Ng masabi s pagiging dedicated nila s trabaho#PNP#Frontliner#Two hands salute 🙂"
"WOW GANYAN SANA ang turaan nng ATING ibang kapulisan God bless you sir"
"He is the kind of policeman to be much appreciated by the people specially the poor."
