Sa tumitinding salpukan ngayon ng magkapatid na sina Gretchen at Marjorie Barretto ay maraming mga nakatagong sikreto na tiyak na mabubunyag.
Nagbanta si Marjorie na matapos na mailibing ang kanilang ama ay lakas loob na siyang magsasabi ng pawang mga katotohanan. Humihingi din siya ng prayers para sa kaniya at sa kaniyang mga anak dahil nasa peligro diumano ang kanilang buhay dahil kaakibat ng mga katotohanang isisiwalat niya ay panigradong madadawit ang pangalan ng boyfriend ng kaniyang kapatid.
Matapang namang kumasa sa hamon na ito si Gretchen. Ayon sa kaniya, mabuti naman daw at first time na magsasabi na ng katotohanan sa publiko si Marjorie.
Pinakahihintay din daw niya ang moment na ito. Sinabi din ni Gretchen na ang kanilang ina mismo ang magsisiwalat ng puno't dulo ng nangyayaring kaguluhan sa pagitan ng Barretto sisters at kung sino ang tunay na dahilan ng atake sa puso ng kanilang ama noong kaarawan nito.
Hindi pa diyan natatapos ang lahat. Ngayon naman ay si Julia Barretto, pamangkin ni Gretchen, ang naglabas ng isang post sa social media. Ayon sa aktres, full support sila kasama ang kanilang pamilya para kay Marjorie dahil ito naman daw ang nagsasabi ng katotohanan. Sinisira lamang diumano si Marjorie dahil maayos ang pamumuhay nito at mayroong successful at well-raised na mga anak.
Saad pa ni Julia, "The ev1l will never prevail."
Agaran namang binara ni Gretchen ang mga statement na ito ni Julia. Sabi ng dating aktres, "This is hillarious Julia Barretto Baldivia. Your version of truth". Sinamahan pa ito ni La Greta ng laughing emoji. Ang Baldivia ay ang apelyido ng ama ni Julia na si Dennis Padilla.
Ni-repost din ni Gretchen sa kaniyang IG Story ang ilan sa mga reaksyon ng netizens sa pahayag ni Julia.
Sa painit na painit na hidwaan na ito ng Barretto familya ay mistulang teleserye na ito na madaming twist and turns.
Sa halip na magkaayos ang buong pamilya sa pagkawala ng kanilang ama ay mas lalo pa itong gumulo.
