Si Claudine Margaret Castelo Barretto o mas kilala sa kaniyang screen name na Claudine Barretto ay isa sa mga kilala at hinahangaang personalidad sa industriya ng showbiz sa Pilipinas. Siya ay tinagurian din bilang Optimum Star ng pinoy showbiz at nakilala sa kaniyang mga patok na drama movies noong 90's.
Siya ay isang aktres, product endorser, at entrepreneur. Hindi maipagkakaila na marami na ding mga proyekto ang nagawa ni Claudine sa industriya, sa telebisyon man ito o sa big screen.
Si Claudine ay ikinasal sa aktor na si Raymart Santiago noong 2006 ngunit makalipas lamang ang ilang taon ay tuluyan ngang natapos ang kanilang pagsasama at nauwi sa divorced noong 2013. Sila ay biniyayaan ng dalawang anak na sina Rodrigo Santino Santiago at Sabrina Barretto. Si Claudine naman ay nag-adopt ng isang babae na ang pangalan ay Quia Barretto noong 2015.
Makalipas ang ilang taong pagtatrabaho niya sa industriya ng showbiz ay handa naman na ngayong pasukin ni Claudine ang mundo ng pulitika. Sa katunayan nga niyan ay abala siya ngayon sa pangangampanya sa Olongapo.
Matatandaan na noong October nakaraang taon nang kaniyang ihayag na siya ay tatakbo bilang counselor sa nasabing bayan.
Matapos lumabas ang nasabing balita ay maraming natanggap na batikos si Claudine sa mga netizens. May ilan pa na nagtanong kung bakit tatakbo si Claudine sa nasabing bayan, pero ayon kay Claudine, nais niyang magsilbi sa lugar kung saan malapit ang kaniyang kalooban.
Samantala, naging usap-usapan muli si Claudine sa social media kamakailan lamang matapos kumalat ang video na in-upload niya kung saan makikita ang tila pagbabago ng kaniyang hitsura at parang tumataba daw ang aktres.
Sa video na in-upload ni Claudine sa kaniyang Instagram account kung saan makikita siya na nasa loob ng isang mini bus kasama ang kaniyang mga kasamahan sa pagtakbo sa Olongapo, maraming netizens ang nakapansin ang tila pagtaas umano ng timbang ng aktres.
Gayunpaman, marami naman sa mga tagahanga ng aktres ang kaagad na dumipensa at nagtanggol sa kaniya.
